手機號登錄
登出
學生使用學車王
恭喜下面同學考試合格！
模擬筆試 500+道筆試題無間做
開始練習
學車Tips
學車經驗，師傅心得，1 take pass
路試視頻
提供香港，九龍，新界全套路試視頻
提供香港，九龍，新界全套路試視頻
駕駛技巧
獨家製作，幫助學生全方位掌握揸車技巧
獨家製作，幫助學生全方位掌握揸車技巧
關於我們
香港學車一站式平台。提供各類學車資訊，筆試模擬測試，私人教車師傅課程以及重考快期等服務。學車王選擇與香港優質私人師傅合作，為廣大學生提供高質的學車課程，幫助學生學到駕駛技術，輕鬆考取車牌！
![]()
![]()
![]()
![]()
Smart-Space 8, 25/F, CDW Building, 388 Castle Peak Rd,
Tsuen Wan
Tsuen Wan
合作夥伴
旗下二手車買賣平台BuyCar.hk
合作夥伴
旗下二手車買賣平台BuyCar.hk
熱門提問 Q & A
2019年香港平均學車價錢 及 學車程序介紹？
1. 學車前學生需到運輸署報名，運輸署收考試費用＄510，大概30日後筆試。2. 申請學習駕駛執照(學牌)，有效期為一年，運輸署收費＄548。3. 筆試通過後即可開始跟師傅學車，學生需持有學牌學車。根據運輸署建議，在考路試前，應有最少30小時的路面實習。考試需要交租車費(學生租師傅車輛作考試之用)，及一堂學費作為考試堂。 現時常見價格，租車費＄1600-1800，學費＄250-280。4. 如路試乙、丙部均合格的話，學生則可獲得暫准駕駛執照(P牌)，運輸署收費$90。5.一年後則可以換取正式駕駛執照，運輸署收費$900。學車王有提供全程學車報名，模擬筆試，搵師傅服務，有助學生輕鬆考牌！
2019年學車邊間好？駕駛學院定街師傅？比較學車費用及通過率？
學車一般選擇學院或私人師傅(街師傅)。駕駛學院[好處]：有固定場地，根據2017年運輸署數據，學車乙部(掉頭泊位)通過率較高，有唔少理論課程。學院[壞處]：學車費用相對私人師傅較高，一對一教學需要購買升級課程，平時唔係一對一教學。街師傅[好處]：學車費用實惠，可以試堂，一對一教學，主要集中路面實際操作教學，學車實際技巧同駕車意識較易提高，根據2017年運輸署數據，學車丙部(路試)通過率較高。街師傅[壞處]：唔清楚邊個師傅口碑好，如果唔合適需要換師傅，冇保障。
如果希望搵到口碑好的師傅，可以嘗試使用學車王服務，有全港最多私人師傅選擇。學車有推薦好師傅及設立完善保障機制，若中途同師傅唔夾，可以再換師傅，直到學生滿意。如有任何問題，學車王會協助學生同師傅解決。
學車筆試流程？如何準備筆試？有咩筆試心得及攻略？
在運輸署報名排期後，大概等30日後就可以到長沙灣運輸署參加學車筆試（即甲部考試），當日攜帶身份證及筆試排期信參加考試。通過電腦考核後，運輸署馬上出成績結果。筆試時間為上午9點15到12點10分；下午2點10分到4點40分，運輸署筆試整日都可以考。關於準備筆試心得同攻略，可以先複習運輸署的道路使用者守則冊子（黃色冊子），同時下載模擬筆試APP不斷做題，例如學車王模擬筆試APP。
用學車王平台服務需要比錢嗎？
學車王平台係提供一站式學車服務的學車平台。如果學生通過學車王平台對接師傅，不會收取任何費用，而且會全程跟進，提供一對一免費的客服服務，解答學生學車遇到的任何疑難。如果學生需要運輸署代辦或重考快期服務，會根據不同服務，收取基本的服務費用。
學車最快幾時攞牌？港島區對比九龍新界區排期邊個快？
筆試大概等30日，路試大概等9個月，筆試及路試都通過後就可以攞牌，具體安排需要參考運輸署每日更新的排期情況。一般報名香港地區比九龍新界區更快考試。
點解學車會有租車費？
學費是指學生跟教車師傅學車的費用；租車費又稱租車留位費，因為學生考路試當日，教車師傅會把師傅車租給學生考試使用，所以需要參加路試的學生，就有此租車費用。
學車同補鐘有甚麼分別？學車收費有咩唔同？
補鐘意思係學生不需要租車考試，只係希望和師傅學習若干堂而提高駕駛技巧。補鐘一般分三種類型：持有正式駕駛執照補鐘（例如雪藏牌），持有學習駕駛執照補鐘（師傅唔夠堂，想補鐘），報考駕駛學院後唔夠堂需要補鐘。學車一般係指學生需要租車考試。一般補鐘費用會比學車費用貴。
香港學車如何選擇自動波定棍波？私家車定輕型貨車？
私家車同輕型貨車都可以選擇學棍波或自動波。自動波相對棍波簡單，容易上手，唔容易死火。輕型貨車棍波牌（1，2號牌）可以駕駛輕型貨車棍波及自動波，私家車棍波及自動波。而私家車棍波牌（1號牌）可以駕駛私家車棍波及私家車自動波。輕型貨車自動波牌（1A，2A號牌）可以駕駛輕型貨車自動波，私家車自動波。如果選擇自動波，考取車牌只能係開自動波，唔可以棍波。私家車棍波難度比較大，相對少人學，所以私人師傅都少教此車，導致學費會較高。熱門選擇係學輕型貨車棍波（性價比最高），私家車自動波（最常見車型）。
點解補鐘既學費貴過學車考試既學費？
1. 補鐘的學生通常補課的次數相對較少，也不會收租車費，教車師傅的平均成本會增大。 2. 補鐘的地點相對自由，也存在不少偏遠地方，教車師傅接送相對困難。 3. 補鐘學生不需要租車考試，師傅不能從頭一直跟進，學生學習進度比較難控制。所以綜合原因，通常補鐘的學費會比租車考試的學費貴。
路試之前一般要上幾多個鐘？
根據運輸署數據，初學者一般需要接受超過30小時路面駕駛訓練，才可達到基本的駕駛技術水平。
如果報左VAN仔（輕型貨車）棍波，考試可以轉VAN仔自動波嗎？
可以，因為如果持有棍波牌，代表同時可以有資格駕駛自動波車輛。如果報名時報了VAN棍波，路票會顯示是2，只是代表路試考VAN，沒有指定棍波或者自動波。所以考試的時候車型是VAN自動波就是考VAN自動波，是VAN棍波就是考VAN棍波。 反而，如果填寫駕駛考試申請書的時候，✓了A，就代表只能考自動波，不可以轉棍波。如果當時報名的時候沒有✓就可以。
排期信不見了，可以點做？仲可以考試嗎？
可以，如果之前有相片留低，自己可以列印出來，不需要原件。考試的時候出示給考牌官又或者免費去運輸署補領一份。
香港筆試路試可以提前考試嗎？運輸署最快排期時間？
筆試唔可以提前考試，運輸署報名後一般30日內可以考筆試。正常路試排期需要等9個月左右。如果考生未來會出外國讀書或者工作，可以去運輸署31號窗口申請提早排期考試。另外，需要攜帶路試排期信，身份證，地址證明，出國證明，來回機票，學生證或學校錄取通知書等資料申請。如果重考路試，可以申請快期，最快可以10-15日後重新考試。
搵學車師傅的學車流程？如何正確安排學車時間？
預約師傅一般提早預約，建議離考試前3-4個開始搵師傅學車，師傅會留考試期給學生租車考試。學車需要攜帶學習駕駛執照（學牌），一般學車會係九龍塘，元朗，太子，油塘，銅鑼灣，天后，沙田或荃灣等地方上落車。臨考試前一個月左右，師傅會帶學生去熟悉考場及考試路線，以及考試肥點和注意事項。一般學生預約師傅的黃金時段係平日晚上，週末時間。建議學生預約師傅上課最好預約2日後的時間，避開黃金時間段，方便師傅安排時間教車。另外，需要注意政府規定某些考場有禁區時間，禁止學生學車，師傅只可示範教學，學生需要避開禁區時間學車。
如果在新手報名填寫駕駛考試申請書時填錯地區，可以點做？
因為筆試地點在長沙灣運輸署2樓，可以等筆試出結果之後，直接排隊申請修改，無需再繳費。
今日路試肥左，請問最快幾時可以開始抽快期？
從明天開始計，第七個工作日的早上可以抽。
香港學車學牌申請時間幾時最好？
學牌又稱學習駕駛執照，有效期為12個月，初學者持有此執照才符合資格學車。目前由於正常期排期時間比較長，一般學車時間為考路試前四個月時間。學車王建議學生學車前辦理學牌，不需要報名排期的時候就立即辦理，以免萬一重考，過了學牌有效期，需要重新辦理學牌，再繳費$548。目前，學車王對於初學學生，可以提供延後四個月再辦理學牌服務，希望學生學車可以更慳錢。
上次考輕型貨車（VAN仔）棍波丙部肥左，重考丙部可否轉私家車自動波？
可以，但是轉車型並不能抽快期，只能排正常期尾。所以建議可轉學Van自動波，因為同種車型可以抽快期，而且Van棍波及Van自動波都係Van，比較容易上手。
有申請路票，但是學牌過期，可以考試嗎？
可以，學牌只是代表可以學車，與考試無關，只要有路票證明就可以去考試。
快期可不可以去運輸署申請改期？
不可以。除非由於健康原因，同時有醫生紙證明，可以去運輸署重新排慢期。
抽快期可以指定考試路線嗎？
不可以。抽快期同新手報名一樣，只可以揀香港區同九龍新界區。抽到快期，去運輸署繳費之後，運輸署會發出新的排期信，告訴你考試時間同路線。
學車路試地點？
如果學私家車，路試地點包括跑馬地，忠義街，石蔭，培正道。如果學輕型貨車，路試地點包括掃桿埔，天光道，油塘，澤安道，忠義街，永孝街。具體考場由運輸署隨機安排，考生不可以選擇考試地點。
我抽到快期之後但係未能及時去運輸署比錢，能否繼續抽快期？
可以，但需要上次快期繳費期限之後再等30天，先可以再抽快期。
我已經申請了駕駛學院學車的路票。假如不係學院考試，想同外面師傅學車。請問學院路票仲有效嗎？
因為駕駛學院的路票同外面運輸署的路票的地點是不同的，需要申請才可以改變。從駕駛學院轉出外面運輸署考期，會自動排在正常期的隊尾（最新正常期可以參考運輸署每週輪候時間更新）。
具體分兩種情況：
1.如果駕駛學院路票有效期長於運輸署正常期隊尾。本人可以寫信，親自去運輸署申請，信中內容提及不跟駕駛學院考試，想報運輸署的考期。這樣就可以免費申請外面考期，路票仍然有效。
2.如果路票有效期短於運輸署正常期尾，那就需要重新去運輸署繳費$510申請路票了。
香港學車筆試難唔難？會唔會同學車王模擬題目差唔多？
根據2017年運輸署數據，筆試通過率接近9成。筆試為20條選擇題，每題有3個答案選擇，題目選自『道路使用者守則』，20分鐘內須答對16條或以上題目即及格。學生可以免費下載學車王模擬筆試APP不斷做題。學車王模擬題目係參考過去的筆試題目，有超過500題模擬試題，包括文字題以及標記題，並且附有記錄錯題功能，有助學生準備筆試。
排了正常期，但希望提前考路試，要點做呢？
你需要本人親自去運輸署31號窗，向運輸署主任作出申請，以證明考試時間不能參加路試。如果讀書的話就需要提供開學證明，學生證或機票。如果公幹的話就要提供公司工作證明或機票等等。
我幾年前通過咗筆試，目前想重新報考路試，需要再比錢申請路票嗎？
需要，路票有效期係18個月。過期之後需要再重新繳費申領。
香港學車時間係幾時？如何容易同師傅夾時間？
香港學車45分鐘為一節課，每次學車最少學兩節。學車人士大多數是上班族以及同學生為主，所以最多人學車時間係平日夜晚和週末時間。如果時間允許，建議可以白天學車，錯開黃金學車時間。運輸署規定唔可以學車時間，包括週一到週五（公眾假期除外）上午7點半到9點半，下午4點半到夜晚7點半，以及週六（公眾假期除外）上午7點半到9點半。如果學生發現夾唔到時間，可以到學車王師傅列表，選擇合適自己時間同要求的學車師傅。
考路試當日病左，可以改期嗎？
可以，需要註冊醫生同病假紙，要求原件，路試後30天內提交去運輸署申請延期，就會重新排路試正常期。
請問可以先考筆試，一年後再考路試嗎？
可以的，現時，考生若於筆試取得合格，其成績將會終生保留所以不需要重考筆試。
預約了師傅學車卻不見了師傅電話，可以怎樣做？
可以通知學車王，提供你之前留言電話，學車王會根據歷史記錄找回師傅電話，並告知學生。
電單車通過咗強制試後，可用自己車輛考路試嗎？還是要用學院車？
如果你不是駕駛學院嘅學生，可以用自己車考路試。電單車車輛必須要有證明文件同買學牌保證。學牌保險必須註明可以作考路試用途先得。考牌時必須帶有關證明文件正幅本以防萬一。如果你是駕駛學院嘅學生就不可以。
如果學車報名沒有選自動波，乙部通過棍波，丙部考自動波，可以嗎？
可以，最後考試得到的牌是自動波
我之前住藍田所以試場是油塘，現在住元朗可改試場嗎？
不可以，路試地點係運輸署隨機安排，所以不可以指定路試地點。
如果冇筆試信，可以考筆試嗎？
不可以，需要提前去運輸署申請補領筆試信，再參加筆試。
我的臨時牌到期了，可以如何更新？
學生申請需填寫並提交表格TD557，另需繳納＄900的費用。
表格下載連結: - http://www.td.gov.hk/filemanager/common/td557_rev8_2015_leaflet_chi.pdf
填妥申請表後，可
(甲) 郵寄至東九龍郵政信箱 68115 號，運輸署觀塘牌照事務處 (本署收到申請後，會在10 個工作天內將成功申請的執照以掛號信寄回給你。如你在遞交申請後 四個星期內仍未收到有關執照，請致電2804 2600與運輸署聯絡，以便作出跟進)；或
(乙) 親自或由代理人交回下列地點 (如果申請由代理人遞交，代理人必須出示其本人的身分證明文件正本，
租車費是否上一堂收一次？
不是，租車費只會收一次。租車費又稱租車留位費，因為學生考路試當日，教車師傅會把師傅車租給學生考試使用，所以只會向需要參加路試的學生收取一次性嘅租車費。
電單車和私家車筆試內容是一樣的嗎？
是的，因為題目都是選自「道路使用者守則」。（如已持有其他車輛駕駛執照可豁免考筆試）
我知道駕駛考試申請書同學習牌照申請書係可以分開遞交或一齊遞交。如果我筆試肥左，咁一齊遞交學習牌照申請書既費用會唔會失效？當我再申請重排筆試時，係唔係要重新遞交學習牌照費？
學習牌照不會失效，因為駕駛考試申請書和學習牌照申請書分別是兩個系統。學習駕駛執照的有效期限為十二個月。在此期間內，你可在駕駛教師陪同下學習有關的車輛。
教車師傅是如何收費？
師傅會第一堂預收考試租車費。預留45分鐘學費用於考試堂。每次預約學車兩堂起計。每次預約學車兩堂起。 學生取消已安排的課堂，需於24小時前通知，否則不設退款，堂費照計。
駕駛學院同運輸署排期有咩唔同？
運輸署網站每日都有公開最新的排期時間。而駕駛學院的排期是獨立運輸署之外，學院有內部的排期時間，沒有對外公開。
我在幾年前路試肥左，現在想重考要點樣做呢？
現時，考生若於筆試取得合格，其成績將會終生保留所以不需要重考筆試。但你需要重新去運輸署安排一個路試時間，需要510路票。同時也需要申請學牌費用＄548，學牌一年內有效。你可以申請重考正常考期或快期。我地有代辦快期嘅服務可以幫你做埋！
註冊 / 登錄
為使客服能夠及時與你聯絡，同時保護學生賬戶資料安全，系統將發送驗證碼以確認電話號碼正確
不能用“私人瀏覽/無痕模式”登錄落單，需切換回正常瀏覽模式